በሲዳማ ክልል የመንግስት ልማት ድርጅቶች የ2017 በጀት ዓመት ዕቅድ አፈጻጸም ግምገማና የ2018 በጀት ዓመት ዋና ዋና ግቦች ዙሪያ የዉል ስምምነት ተደረገ፡፡

በሲዳማ ክልል የመንግስት ልማት ድርጅቶች የ2017 በጀት ዓመት ዕቅድ አፈጻጸም ግምገማና የ2018 በጀት ዓመት ዋና ዋና ግቦች ዙሪያ የዉል ስምምነት ተደርጓል፡፡ በሲዳማ ክልል የመንግስት ልማት ድርጅቶች ተቆጣጣሪ ባለስልጣን የ2017 በጀት ዓመት ዕቅድ አፈጻጸም ግምገማ እና የ2018 በጀት ዓመት ዕቅድ ዋና ዋና ግቦች ላይ ስምምነት ለመፍጠር በተዘጋጀዉ መድረክ የሲዳማ ኮንስትራክሽን ሥራዎች ኮርፖሬሽንን ጨምሮ ሌሎች ተጠሪ የልማት ድርጅቶች ተሳትፈዋል። በዚሁ መድረክ ላይ የኮርፖሬሽናችን የ2017 በጀት አመት እቅድ አፈጻጸም ሪፖርት በኮርፖሬሽናችን ዋና ስራ አስፈጻሚ አቶ ኤልያስ ቲሮ የቀረበ ሲሆን ሌሎች ተጠሪ ተቋማትም የአፈጻጸም ሪፖርት አቅርበዋል፡፡ በቀረበዉ ሪፖርት መሰረት በተደረገ ዉይይት ኮርፖሬሽናችን ሰፊ የልማት ስራዎችን ሲያከናዉን መቆየቱ የሚበረታታ መሆኑን እንዲሁም የልማት ድርጅቶቹ እርስ በርስ በመደጋገፍ መስራት መጀመራቸዉ ተጠናክሮ ሊቀጥል የሚገባ መሆኑ ተገልጿል።